Использование материалов сайта разрешается только с указанием прямой активной ссылки на сайт.
Milli Holcim Mükafatları Müsabiqəsi (2014)
28 noyabr 2014-cü il tarixində Holcim Azərbaycan şirkəti Davamlı İnkişaf üçün Holcim Mükafatları Müsabiqəsinin nəticələrini elan etdi. Müsabiqə innovativ və avanqard ideyaların yarışması olmaqla yanaşı, layihələr davamlı inşaatın 5 əsas prinsipləri üzərində qurulmuşdur: tərəqqi, əhali, planet, inkişaf və peşəkarlıq. Qaliblər 3 kateqoriya üzrə - qızıl, gümüş və bürünc mükafatlarına layiq görülüb.
Qızıl mükafat "Çoxmərtəbəli bostan” layihəsinin sahibi oldu. Şəhər mərkəzində inşa edilməsi nəzərdə tutulan layihənin əsas məqsədi binada tərəvəz bitkiləri yetişdirilməklə yanaşı, həm də eksperimental labaratoriya funsiyasını həyata keçirməkdir. Layihənin müəllifi İlqar Əliyevdir.
Gümüş mükafat "Quba Rayonu Xınalıq kəndinin elektrik enerjisi və qaz təchizati üçün alternativ enerji mənbələrindən istifadə etməklə hibrid sistemin yaradılması” layihəsinin sahibi oldu. Layihənin müəllifi Fərhad Əliyevdir.
Bürünc mükafat - Günəş enerjisi hesabına su təmizləyici avadanlıqlarının quraşdırılması ilə seçilən Salyan rayonunda "PV sisteminin yüklənilməsi layihəsi” olmuşdur. Layihənin müəllifi Fəqan Əliyevdir. Əlavə olaraq, İradə xanım Şirinzadənin müəllifi olduğu "Portland sementin sulfata davamlılığının artırılması yolları layihəsi” müsabiqənin laureatı olmuşdur.
